കേരള രാഷ്ട്രീയം ഒരു പ്രത്യേക ഘട്ടത്തിലൂടെ കടന്നു പോവുകയാണ്. ഇടതുപക്ഷം എന്ന രീതിയില്‍ കേരളത്തിലെകമ്മ്യൂണിസ്റ്റ് മാര്‍ക്‌സിസ്റ്റ് സംഘടനകളുടെ രാഷ്ട്രീയ പ്രസക്തി നഷ്ട്ടപ്പെട്ടിട്ട് കുറച്ചു നാളായി. മറ്റേതൊരുപാര്‍ട്ടിയേയും പോലെ സമകാലിക സംഭവങ്ങള്‍, അവയെന്തായാലും ഒരു തത്വദീക്ഷയില്ലാതെ ഒരു രാഷ്ട്രീയപ്രത്യയ ശാസ്ത്രത്തിന്റെയും പിന്‍ബലമില്ലാതെയും ഭരണം നിലനിര്‍ത്താനായി ഒന്നുകില്‍ ന്യായീകരിക്കുകയൊഅല്ലെങ്കില്‍ എതിര്‍ക്കുകയോ ചെയ്യുകയെന്ന ഒരു നയം കേരളത്തിലെ ഇടതുപക്ഷം തുടങ്ങിയിട്ട് നാളുകുറച്ചായി. ഇതിനൊരപവാദമായി ഉണ്ടായിരുന്ന നേതാവായിരുന്നു വി എസ്.
വി എസ് എന്നാല്‍ കേരള രാഷ്ട്രീയത്തിലെ തന്റെ സ്ഥാനം നന്നായി തിരിച്ചരിഞ്ഞ അഭിനവ വി എസ്; ഓരോപരാജയങ്ങള്‍ക്കു ശേഷവും പാര്‍ട്ടിയുടെ ``പാവങ്ങളില്‍ നിന്നകലുന്ന'' പ്രവണതക്കെതിരെ ഒളിഞ്ഞും മറിഞ്ഞുംഅക്രമണം തുടര്‍ന്ന വി എസ്. തന്റെ ഭരണത്തിന് കീഴിലും ഭൂമാഫിയ തഴക്കുന്നു എന്ന് തിരിച്ചറിഞ്ഞ മുഖ്യമന്ത്രി. കേരളത്തിലെ ബസ്റ്റാന്‍റുകളില്‍ ആളുകള്‍ക്ക് നില്‍ക്കാനുള്ള സ്ഥലം കൈയ്യേറിയവരെ പോലും താല്‍ക്കാലികമായിപിന്‍മാറ്റിയ ശക്തന്‍. അധികാരം എന്നും കാത്തു സുക്ഷിക്കേണ്ട ``കുടുമ്പ മഹിമ''യൊന്നുമല്ലെന്ന രീതിയില്‍ തന്റെകൂടെ നിന്ന ഓരോ ജില്ലാ കമ്മിറ്റിയും കൊഴിഞ്ഞു പോവുമ്പോഴും തന്റെ ശക്തമായ നയങ്ങളുമായി മുന്നോട്ടുപോയകരുത്തന്‍. ഭൂരിപക്ഷം എന്നും ശരിയല്ലെന്ന കരളുറപ്പിന്‍മേല്‍ പി ബി ഉയര്‍ത്തിയ കൊടുംകാറ്റിനു നേരെ പോലുംഅക്ഷോഭ്യനായ പരുക്കന്‍. ചെങ്ങറയില്‍ ളാഹ ഗോപാലനുമായുള്ള സൗന്ദര്യ പിണക്കവും മൂലമ്പള്ളിയില്‍സോളിഡാരിറ്റിയുടെ ഇടപെടലിനോടുള്ള അഭിപ്രായ വ്യത്യാസവുമാണെന്നൊക്കെ കേരള ജനത വിശ്വസിച്ചജനനേതാവ്.
ഇന്ന് പക്ഷെ ഈ കേരളം കാണുന്നത് പഴയ വി എസ്സിന്റെ നിഴലുമാത്രം. ഒരു ശിക്ഷാനടപടിക്കുംമുഖ്യമന്ത്രിക്കസേര തെറിപ്പിക്കല്‍ ഭീഷണിക്കും നിശ്ശബ്ദനാകാന്‍ പറ്റുന്നത്രയും ദുര്‍ബ്ബലനായൊരു നേതാവണ് വിഎസ്സ് എന്നത് ഒരുതരം നിരാശയോടെയാണ് ഈ ജനത തിരിച്ചറിയുന്നത്. കുറച്ചു വര്‍ഷങ്ങളായുള്ള ഒരു കാത്തിരിപ്പ്‌ വൃഥാവിലായതിന്റെ നിരാശയോടെ. ഇടതിനെയും വലതിനെയും മാറി മാറി ജയിപ്പിക്കുന്ന ജനാധിപത്യ കഴുതക്കൂട്ടമായി വേദനയോടെ അവര്‍ സ്വയം പിന്‍വാങ്ങുന്നു - ഒരിക്കല്‍ വി എസ്സിനെ പാര്‍ട്ടി തഴഞ്ഞപ്പോള്‍തെരുവുലിറങ്ങിയ ജനം.
പോലീസും ഗുണ്ടകളും അഴിഞ്ഞാടുന്ന സംസ്ഥാനമായി കേരളം മാറിയിട്ടും, ദിനം പത്തു ജീവനെന്ന കനക്കിന് ര്തോടുകളില്‍ പൊലിയുമ്പോഴും, അഴിമതിയെ തടുക്കാന്‍ കച്ചകെട്ടിയിറങ്ങിയ തോമസ് ഐസക്കിനെ പാര്‍ട്ടിപിന്നില്‍ നിന്നു കുത്താന്‍ തുടങ്ങുമ്പോഴുമെല്ലാംസ്വന്തം കസേരയോടുള്ള സേനഹമ് കൊണ്ടുമാത്രംനിശ്ശബ്ദനായിരിക്കുന്ന വി എസ് കേരളജനത ക്ക് അവിശ്വസനീയമായ ഒരു കാഴ്ചയാണ്.
കേരളത്തില്‍ ഒരു ഇടതുപക്ഷ ബദലിനുള്ള സാധ്യത ഏറ്റവും സജീവമായി നിലനില്‍ക്കുന്ന ഒരു കാലമാണിത്. രാഷ്ട്രീയപരമായ സ്വാധീനമോ ധനശക്തിയോ കൈയ്യിലില്ലാത്തസധാരണക്കാരന്റെ ജീവിതം ഒരുതരം അടിമത്തത്തിലേക്ക് നീങ്ങുന്നു. ഛത്തീസ്ഗഡിനെയൊ ബീഹാറിനേയോതാരതമ്യപ്പെടുത്താതെ ഇരുപതു വര്‍ഷം മുമ്പുള്ള ഒരു മലയാളി സാധാരണക്കരന്റെ ജീവിതവുമായി താരതമ്യംചെയ്യുകയാണെങ്കില്‍ മാത്രമേ വ്യത്യാസം മനസിലാവുകയുള്ളൂ. ഗുണ്ടകള്‍ വഴിയില്‍ വാഹനങ്ങള്‍ തടഞ്ഞ് പണംപിരിക്കുന്നു, ചോദ്യം ചെയ്ത പോലീസുകാരനെ മര്‍ദ്ദിക്കുന്നു, മുണ്ട് മടക്കിക്കുത്തിയതിന് വഴിയാത്രക്കാരനെ തല്ലുന്നു, പോലീസുകാരന്‍ വഴിയാത്രക്കാരന്റെ പണവും മാലയും തട്ടിപ്പറിക്കുന്നു മൂന്നുദിവസത്തെ പത്രങ്ങളില്‍ വന്നചിലവാര്‍ത്തകള്‍ മാത്രം. കോടികള്‍ മുടക്കിയ തട്ടേക്കാട് ജുഡീഷ്യല്‍ അന്വേഷണ റിപ്പോര്‍ട്ട് കാറ്റില്‍ പറക്കുമ്പോള്‍തേക്കടി തടാകത്തില്‍ തല്ലികൂട്ടിയ ബോട്ടില്‍ മരണം യാത്രക്കാരുമായി ഉല്ലാസയാത്രപോവുന്നു. ചാനല്‍ വാര്‍ത്തകലാപരിപാടികളിള്‍ ഭരണകക്ഷി സഖാക്കള്‍ വായില്‍തോന്നിയ ന്യായീകരണങ്ങള്‍ നിരത്തുന്നു. കാസറഗോഡുമുതല്‍ പാറശ്ശാലവരെ ഇരുന്നൂറു കിലോമീറ്റര്‍ വേഗതയില്‍ ഒരാള്‍ കാറോടിച്ചാല്‍ പോലും ഒരുപെറ്റികേസുപോലും ഉണ്ടാവാന്‍ ഒരു ശതമാനം പോലും സാധ്യതയില്ലാത്ത പോലീസിങ്. ഭരിക്കുന്നത് സഖാവ് വിഎസ്.
വി എസ്സിനോട് മലയാളിക്ക് ആരാധനയായിരുന്നില്ല. പ്രത്യയശാസ്ത്ര കുരുക്കില്‍ കുടുക്കി തോല്‍പ്പിക്കാന്‍ വേണ്ടിഅങ്ങനെയാണെന്നു വരുത്തി തീര്‍ത്തത് എതിരാളികളാണ്. പാര്‍ട്ടി തോല്‍ക്കുമ്പോള്‍ ജയിക്കുകയും പാര്‍ട്ടിജയിക്കുമ്പോള്‍ തോല്‍ക്കുകയും ചെയ്യുന്ന ഒരു സാധാരണ പാര്‍ട്ടി നേതാവില്‍ നിന്നും ഇന്നത്തെ വി എസ്സിലേക്കുള്ളവളര്‍ച്ച ഒരു ജനതയുടെ മോഹങ്ങളുടെ മുകളില്‍ ചവിട്ടിയായിരുന്നു. ജനതയുടെ പ്രതീക്ഷയെ ചവിട്ടിയുണര്‍ത്തിവാനോളം വളര്‍ത്തുമ്പോള്‍ അതുനുമുകളിള്‍ വി എസ്സും വാനോളം വളര്‍ന്നു. കമ്യൂണിസ്റ്റ് പാര്‍ട്ടി അഹിംസയില്‍വിശ്വസിക്കുന്ന ഒരു പാര്‍ട്ടിയൊന്നുമല്ല. ബലം വേണ്ടിടത്ത് അത് പ്രയോഗിക്കുക തന്നെ ചെയ്യുന്ന ഒരു സംഘടനതന്നെയാണത്. അതങ്ങിനെതന്നെ ആവുകയും വേണം. പോലീസിനെ പോലും കൈകാര്യം ചെയ്യുന്നവര്‍ പക്ഷെഅതൊക്കെ ഉദ്ദേശ ശുദ്ധിയോടെയായിരുന്നു. പാവങ്ങളുടെ ജീവിക്കാനുള്ള അവകാശങ്ങള്‍ക്കു വേണ്ടിയായിരുന്നു. വടക്കന്‍ മലബാറിലെ പാര്‍ട്ടി ഗ്രാമങ്ങളില്‍ കള്ളുകുടിച്ചു ബഹളമുണ്ടാകുന്നവനെപോലും വിരട്ടിവീട്ടിലേക്കോടിക്കുമായിരുന്നു പാര്‍ട്ടിക്കാര്‍. അവര്‍ കോണ്‍ഗ്രസ്സുകാരെ മാത്രമല്ല ഗുണ്ടകളെയും കൈകാര്യംചെയ്യുമായിരുന്നു. ഇന്നും ഡി വൈ എഫ് ഐ ക്കാര്‍ തുനിഞ്ഞിറങ്ങിയാല്‍ ഇരുപത്തിനാലു മണിക്കൂറുകൊണ്ട്ഒതുക്കാവുന്ന ഗുണ്ടകളേ കേരളത്തിലുള്ളൂ. അന്ധവിശ്വാസങ്ങള്‍ക്കും അനാചാരങ്ങള്‍ക്കുമെതിരേ എന്നുംപ്രവര്‍ത്തിക്കുമായിരുന്നു പാര്‍ട്ടിയുടെ യുവജനങ്ങള്‍. തെയ്യങ്ങളെ അമ്പലങ്ങളില്‍ നിന്നുംതെരുവിലേക്കിറക്കിയവര്‍. പാര്‍ട്ടിയുടെ മൂല്യച്ച്യുതി ഇത്തരം നടപടികള്‍ക്കു പകരം പ്രതിലോമ ശക്തികളെകൂട്ടുപിടിക്കുന്നതിലെത്തിച്ചു. അമ്പലക്കമ്മിറ്റികള്‍ പാര്‍ട്ടി ഭരിച്ചു. തെരുവില്‍ നിനും തെയ്യത്തെ ദൈവമാക്കി വീണ്ടുംകുടിയിരുത്തി കലശം നടത്തി. രാഷ്ട്രീയ ബലപ്രയോഗങ്ങള്‍ക്കുമറവില്‍ ഗുണ്ടകളെ വളര്‍ത്തി. അതോടെ മര്‍ദ്ദിതനുവേണ്ടി ഉപയോഗിച്ചിരുന്ന ആ ശക്തി ഇല്ലാതായി. പാര്‍ട്ടിയിലെ അപചയത്തെ അധികാരം കൊണ്ട്ഒതുക്കാനായിരുന്നു വി എസ്സിന്റെ ശ്രമം ജനങ്ങളും അതുതന്നെ പ്രതീക്ഷിച്ചു. പക്ഷേ കാലം തെളിയിച്ചത്മറ്റൊന്നാണ്. പരുക്കന്‍ മുഖത്തിനു പിന്നിലുള്ള വി ഏസ്സ് ഒരു ദുര്‍ബ്ബലനാണ്. പൊതുജനത്തിനെ വിശ്വാസമില്ലാത്തഒരു രാഷ്ട്രീയക്കാരന്‍. വി എസ്സിനെ വെട്ടിമാറ്റാന്‍ പാര്‍ട്ടിതന്നെ തീരുമാനിച്ചപ്പോള്‍. ജനം ഒരു ഇടതു ബദല്‍രൂപീകരണം പ്രതീക്ഷിച്ചു. കേരളത്തിലെ ബദല്‍ ഇടതുപക്ഷ നേതാക്കളെല്ലാം തന്നെ എന്തിനും തയ്യാറായി നിന്നു. ഒരു ജനതയുടെ പ്രതീക്ഷക്കുമേല്‍ കരിനിഴല്‍ വീഴ്ത്തി വി എസ് നല്ലകുട്ടിയായി ഭരിക്കാന്‍ തീരുമാനിച്ചു.
ഒരു ചെങ്കൊടി പുതച്ച് അവസാനത്തെ ഇങ്ക്വിലാബും വിളിച്ചു കഴിഞ്ഞാല്‍ താങ്കളൊന്നും ബാക്കിയാകില്ലല്ലോസഖാവേ. ഒരു ജനത ഇനിയും കാതിരിക്കേണ്ടിയിരിക്കുന്നു.
Saturday, October 10, 2009
Friday, July 17, 2009
അച്യുതാനന്തനെ പുറത്താക്കിയതെന്തിനെന്ന് പറഞ്ഞത് കൃഷ്ണന്‍ നായര്‍ - നമ്മുടെ ''ലീലാ'' കൃഷ്ണന്‍നായര്‍
അവസാനം എ കെ ജി ഭവനില്‍ നിന്നും ആ വാര്‍ത്ത പുറത്തുവന്നു - വി എസ് പി ബിക്കു പുറത്ത്. പലരും പലതും പറഞ്ഞു. ``പുന്നപ്ര സമര വീരന്മാരടക്കം പാര്‍ട്ടിയിലെ പലരേയും വെട്ടിനിരത്താന്‍ വാളെടുത്തവന്‍ വാളാലെ'' എന്നും കേട്ടു. സത്യത്തില്‍ വല്ലാതെ പിന്നോട്ടു നോക്കിയാല്‍ വി എസ്സിനും അത്ര നല്ല ഭൂതകാലമല്ല ഉള്ളത്. പക്ഷെ സമീപകാലത്ത് വി എസ് കേരളത്തിന്റെ ഇടത്തോട്ടു ചരിഞ്ഞ രാഷ്ട്രീയ മനസാക്ഷിയുടെ ആശയും അവേശവുമായിരുന്നു. കേരളത്തില്‍ ഇടതുപക്ഷം വെറുമൊരു രാഷ്ട്രീയ പാര്‍ട്ടിയല്ല. അഴിമതിക്കെതിരെ, അന്ധവിശ്വാസങ്ങള്‍ക്കെതിരെ, പ്രകൃതിവിഭവങ്ങളുടെ നാശത്തിനെതിരെ, പാവപ്പെട്ടവന്റെ അവകാശങ്ങള്‍ക്കായി ഒക്കെ പോരാടുന്ന പഴയ സി പിഐ (പുതിയ സി പി എം) എന്ന പാര്‍ട്ടി അക്രമ രാഷ്ട്രീയമടക്കം അതിന്റെ എല്ലാ ദൂഷ്യങ്ങള്‍ക്കുമതീതമായി പൊതു സമൂഹത്തിന്റെ, ഇരുട്ടില്‍ നിന്നും വെളിച്ചത്തിലേക്കുള്ള മാറ്റത്തിന്റെ ചുക്കാന്‍ പിടിക്കുന്ന ഒരു ഘടകമായിരുന്നു. പാര്‍ട്ടിയിലെ ഭൂരിപക്ഷം സുഖലോലുലതയില്‍ രമിച്ച് വലതു പക്ഷ ചിന്തയിലേക്കും, മുതലാളിത്ത വികസന നയങ്ങളിലേക്കും മാറുന്ന വര്‍ത്തമാനകാലത്തിന്റെ സമീപ ഭൂതത്തിലാണ് സഖാവ് അച്ച്യുതാനന്തന്‍ തന്റെ രാഷ്ട്രീയ ജീവിതത്തിലെ വിപ്‌ളവകരമായ പുനരവതാരം നടത്തുന്നത്. പരിപ്പുവടയേയും കട്ടന്‍ചായയേയും ഓര്‍മ്മിപ്പിക്കുന്ന പ്രവര്‍ത്തനം വീണ്ടും തുടങ്ങുന്നത്. അതും കിഴക്കന്‍ മലകയറി മതികെട്ടാനിലെ, ആനയുടെ മസ്തകത്തിന് വെടിയുതിര്‍ക്കുന്ന അച്ചായന്‍മാരുടെ മൂക്കില്‍ തൊട്ട്. തകരുന്ന ഇടതുപക്ഷത്തിനെ നോക്കി തലയില്‍കൈവച്ച സാധാരണക്കാരന്‍ ആദ്യം ആശ്വസിച്ചു സഖാവിനെ പാര്‍ട്ടി ഒതുക്കാന്‍ ശ്രമിച്ചപ്പോളെല്ലാം മുണ്ടും മടക്കിക്കുത്തി തെരുവിലിറങ്ങി മുദ്രവാക്യം വിളിച്ചു. കോടിയേരി സഖാവ് ക്ഷമിക്കണം അതിനിടയില്‍ അവരിലാരെങ്കിലും ഷാപില്‍ കയറി ഒരുകുപ്പി അടിച്ചുകാണും, സേ്കാച്ചൊന്നും അടിക്കാന്‍ ഗതിയില്ലാത്ത പാവങ്ങളാ.
പിന്നീടങ്ങോട്ട് ചിലപ്പോളൊക്കെ അടിപതറിയെങ്കിലും മിക്കപ്പോഴും സഖാവ് അച്ച്യുതാനന്തന്റെ രാഷ്ട്രീയം മുതലാളിത്തത്തിനെതിരേയും, അഴിമതിക്കെതിരേയും ഒക്കെയുള്ള ഒരു സമരം തന്നെയായിരുന്നു. കേരളമെന്ന മുതലാളിത്തത്തിന് വളക്കൂറുള്ള കമ്പോളത്തില്‍ കൊതിപൂണ്ടിരുന്ന പലര്‍ക്കും അദ്ദേഹം കണ്ണിലെ കരടായിമാറി. ഇത്തവണ പിണറായിയെ രക്ഷിച്ച് അച്യുതാനന്തനെ തളക്കാന്‍ കുറച്ചൊന്നുമല്ല കാരാട്ട് വിയര്‍പ്പൊഴുക്കിയത്. സത്യത്തില്‍ വിധിദിവസത്തിനോടടുത്ത് കാരാട്ട് നടത്തിയ അണിയറക്കളികളെപ്പറ്റിയുള്ള വാര്‍ത്തകള്‍ കേള്‍ക്കുമ്പോള്‍ മലയാളികളില്‍ പലരും അത്ഭുതപ്പെട്ടിരുന്നു. വളരെ ആകസ്മികമായിട്ടായിരുന്നു വി എസ്സിന്റെ പ്രതികരണങ്ങള്‍ക്കിടയില്‍, ഏഷ്യനെറ്റില്‍ ലീലാ ഗ്രൂപ്പിന്റെ തലവന്‍ ക്യാപ്റ്റന്‍ കൃ്ഷ്ണന്‍ നായര്‍ പ്രത്യക്ഷപ്പെട്ടത്. ദല്‍ഹി ഗുര്‍ഗാവോന്‍ റോഡില്‍ പുതുതായി നിര്‍മ്മിച്ച ഹോട്ടല്‍ ഉദ്ഘാടനത്തിന്, ഒട്ടുമിക്ക രാഷ്ട്രീയക്കാരെയും വരുത്തി ഊട്ടിയ ശേഷം ഊണും കഴിഞ്ഞ് ഇരിക്കവേ കൃ്ഷ്ണന്‍ നായര്‍ പറഞ്ഞു. കേരളത്തില്‍ ഇപ്പോള്‍ നിക്ഷേപം നടത്താനുള്ള സാഹചര്യമില്ലെന്ന്. ഈ മന്ത്രിസഭ അധികാരത്തില്‍ വരുമ്പോള്‍ കാരാട്ടിനൊക്കെ ചില പദ്ധതികളൊക്കെ മനസിലുണ്ടായിരുന്നു, എന്നാലൊന്നും നടത്താന്‍ പറ്റിയില്ലെന്നും അദ്ദേഹം പറഞ്ഞു. തന്റെ കോവളം ഹോട്ടല്‍ കേസില്‍ ഗവര്‍മെന്റ് തന്നെ സഹായിച്ചില്ലെന്നും കൂടി പറഞ്ഞപ്പോള്‍ ചിത്രം പൂര്‍ണമായി. വലിയ വലിയ മുതലാളിമാര്‍ക്കൊക്കെ വിടുപണി ചെയ്യാന്‍ പലരും പലതും മനസ്സില്‍ കരുതിയിരുന്നു (ഇനി അച്ചാരം കൂടി വാങ്ങിയിരുന്നെന്ന് കേട്ടാല്‍ മതി). അതൊന്നും നടന്നില്ല. - ശകുനം മുടക്കിയായ ഒരുകിളവന്റെ മുടിഞ്ഞ കമ്മ്യൂണിസം കാരണം.
ഇവര്‍ക്കൊക്കെ വേണ്ടിയാണോ സഖാവേ സി സിക്കും പിബിക്കും ഇടയില്‍ ഫയലുമായി താങ്കള്‍ വിയര്‍ത്തോടിയത്. അങ്ങിനെയൊന്നുമല്ലെങ്കില്‍കൂടി സി പി എമ്മിന്റെ ദേശീയ സെക്രട്ടറിയുടെ മനസിലെന്തുണ്ടായിരുന്നെന്ന് തനിക്കറിയാമെന്ന് പരസ്യമായി ഒരു മാധ്യമത്തോട് കൃ്ഷ്ണന്‍ നായരെപ്പോലൊരാള്‍ പറയുന്നത് കമ്യൂണിസത്തിനൂതന്നെ നാണക്കേടാണ്. വടക്കോട്ട് യാത്രചെയ്യുമ്പോള്‍ പയ്യാമ്പലം കടപ്പുറത്തിനടുത്തൊന്നും പോകാതിരിക്കൂ സഖാവേ. നെഞ്ചില്‍, കത്തുന്ന വിപ്‌ളവ പന്തങ്ങളുമായി വലിയ ചുടുകാട്ടില്‍ പലരും വിശ്രമത്തിലാണ്, അവര്‍ കമ്യൂണിസ്റ്റുകാരുമാണ് കല്ലറതകര്‍ത്ത് വന്ന് ``വെട്ടിക്കളയും''.
പിന്നീടങ്ങോട്ട് ചിലപ്പോളൊക്കെ അടിപതറിയെങ്കിലും മിക്കപ്പോഴും സഖാവ് അച്ച്യുതാനന്തന്റെ രാഷ്ട്രീയം മുതലാളിത്തത്തിനെതിരേയും, അഴിമതിക്കെതിരേയും ഒക്കെയുള്ള ഒരു സമരം തന്നെയായിരുന്നു. കേരളമെന്ന മുതലാളിത്തത്തിന് വളക്കൂറുള്ള കമ്പോളത്തില്‍ കൊതിപൂണ്ടിരുന്ന പലര്‍ക്കും അദ്ദേഹം കണ്ണിലെ കരടായിമാറി. ഇത്തവണ പിണറായിയെ രക്ഷിച്ച് അച്യുതാനന്തനെ തളക്കാന്‍ കുറച്ചൊന്നുമല്ല കാരാട്ട് വിയര്‍പ്പൊഴുക്കിയത്. സത്യത്തില്‍ വിധിദിവസത്തിനോടടുത്ത് കാരാട്ട് നടത്തിയ അണിയറക്കളികളെപ്പറ്റിയുള്ള വാര്‍ത്തകള്‍ കേള്‍ക്കുമ്പോള്‍ മലയാളികളില്‍ പലരും അത്ഭുതപ്പെട്ടിരുന്നു. വളരെ ആകസ്മികമായിട്ടായിരുന്നു വി എസ്സിന്റെ പ്രതികരണങ്ങള്‍ക്കിടയില്‍, ഏഷ്യനെറ്റില്‍ ലീലാ ഗ്രൂപ്പിന്റെ തലവന്‍ ക്യാപ്റ്റന്‍ കൃ്ഷ്ണന്‍ നായര്‍ പ്രത്യക്ഷപ്പെട്ടത്. ദല്‍ഹി ഗുര്‍ഗാവോന്‍ റോഡില്‍ പുതുതായി നിര്‍മ്മിച്ച ഹോട്ടല്‍ ഉദ്ഘാടനത്തിന്, ഒട്ടുമിക്ക രാഷ്ട്രീയക്കാരെയും വരുത്തി ഊട്ടിയ ശേഷം ഊണും കഴിഞ്ഞ് ഇരിക്കവേ കൃ്ഷ്ണന്‍ നായര്‍ പറഞ്ഞു. കേരളത്തില്‍ ഇപ്പോള്‍ നിക്ഷേപം നടത്താനുള്ള സാഹചര്യമില്ലെന്ന്. ഈ മന്ത്രിസഭ അധികാരത്തില്‍ വരുമ്പോള്‍ കാരാട്ടിനൊക്കെ ചില പദ്ധതികളൊക്കെ മനസിലുണ്ടായിരുന്നു, എന്നാലൊന്നും നടത്താന്‍ പറ്റിയില്ലെന്നും അദ്ദേഹം പറഞ്ഞു. തന്റെ കോവളം ഹോട്ടല്‍ കേസില്‍ ഗവര്‍മെന്റ് തന്നെ സഹായിച്ചില്ലെന്നും കൂടി പറഞ്ഞപ്പോള്‍ ചിത്രം പൂര്‍ണമായി. വലിയ വലിയ മുതലാളിമാര്‍ക്കൊക്കെ വിടുപണി ചെയ്യാന്‍ പലരും പലതും മനസ്സില്‍ കരുതിയിരുന്നു (ഇനി അച്ചാരം കൂടി വാങ്ങിയിരുന്നെന്ന് കേട്ടാല്‍ മതി). അതൊന്നും നടന്നില്ല. - ശകുനം മുടക്കിയായ ഒരുകിളവന്റെ മുടിഞ്ഞ കമ്മ്യൂണിസം കാരണം.
ഇവര്‍ക്കൊക്കെ വേണ്ടിയാണോ സഖാവേ സി സിക്കും പിബിക്കും ഇടയില്‍ ഫയലുമായി താങ്കള്‍ വിയര്‍ത്തോടിയത്. അങ്ങിനെയൊന്നുമല്ലെങ്കില്‍കൂടി സി പി എമ്മിന്റെ ദേശീയ സെക്രട്ടറിയുടെ മനസിലെന്തുണ്ടായിരുന്നെന്ന് തനിക്കറിയാമെന്ന് പരസ്യമായി ഒരു മാധ്യമത്തോട് കൃ്ഷ്ണന്‍ നായരെപ്പോലൊരാള്‍ പറയുന്നത് കമ്യൂണിസത്തിനൂതന്നെ നാണക്കേടാണ്. വടക്കോട്ട് യാത്രചെയ്യുമ്പോള്‍ പയ്യാമ്പലം കടപ്പുറത്തിനടുത്തൊന്നും പോകാതിരിക്കൂ സഖാവേ. നെഞ്ചില്‍, കത്തുന്ന വിപ്‌ളവ പന്തങ്ങളുമായി വലിയ ചുടുകാട്ടില്‍ പലരും വിശ്രമത്തിലാണ്, അവര്‍ കമ്യൂണിസ്റ്റുകാരുമാണ് കല്ലറതകര്‍ത്ത് വന്ന് ``വെട്ടിക്കളയും''.
Saturday, July 4, 2009
ചാര്‍വാകന്‍, അം ബേദ്കറിന്റെ രീതിശാസ്ത്രം ഇപ്പോള്‍ ഇടതുപക്ഷത്തിന് മനസിലായിട്ടുണ്ട്.
ജാതിയും ജാതിവ്യവസ്ഥയും എന്ന തലക്കെട്ടില്‍ കാളിദാസന്‍ അവതരിപ്പിച്ച ബ്‌ളോഗ് പോസ്റ്റും അതിന് ചാര്‍വാകന്‍ പോസ്റ്റ് ചെയ്ത അഭിപ്രായവുമാണ് ഇത് എഴുതാന്‍ കാരണം. ബ്രാഹ്മണിക്കല്‍ പ്രത്യയ ശാസ്ത്രവും അംബേദ്കര്‍ തുടങ്ങിവച്ച രീതിശാസ്ത്രവും എന്ന രണ്ടുകാര്യങ്ങള്‍ ചാര്‍വാകന്റെ അഭിപ്രായത്തില്‍ വായിക്കാന്‍ കഴിഞ്ഞു. ഹിന്ദു മതത്തിന്റെ ബ്രാഹ്മണിക്കല്‍ പ്രത്യയശാസ്ത്രം എന്നതുകൊണ്ട് ഒരുപക്ഷെ അദ്ദേഹം ഉദ്ദേശിക്കുന്നത് ജാതിപരമായ തരം തിരിവുകളില്‍ ബ്രാഹ്മണനെ ഉയര്‍ന്ന തലത്തില്‍ സ്ഥാപിച്ച് ക്ഷത്രിയന് ആയുധവും ഭരിക്കാനുള്ള അവകാശവും നല്‍കി മറ്റുള്ളവരെ അടിച്ചമര്‍ത്തുന്ന തന്ത്രമായിരിക്കണം. ആദിവാസികളൊഴിച്ചുള്ള ദളിതരുടെ ഇന്നത്തെ അവസ്ഥക്ക് പ്രധാനകാരണം ഇതുതന്നെയാണ്. ഇത് ഇന്ത്യയിലെ ഏത് രാഷ്ട്രീയ ചിന്തകനും മനസിലാക്കിയ ഒരുകാര്യം മാത്രമാണ്. ഇതിനേ നേരിടാന്‍ അംബേദ്കര്‍ രുപീകരിച്ച രീതിശാസ്ത്രം (മേതോടോലോഗി) ചാര്‍വാകന്‍ പറയുന്നതു പോലെ ആര്‍ക്കും മനസിലാവാത്തതുകൊണ്ടൊന്നുമല്ല, എല്ലാവരും മനസിലാവാത്തതുപോലെ നടിച്ചതാണ്. കാരണം അം ബേദ്കറിന്റെ ഉദ്ദേശ്ശ്യം ജാതിവ്യവസ്ഥയുടെ വേരറുക്കലെന്നതിലുപരി ബ്രാഹ്മണ്യത്തോടുള്ള പകപോക്കലായിരുന്നു, അല്ലെങ്കില്‍ അധഃകൃതന്റെ സംഘടിത മുന്നേറ്റമായിരുന്നു. അല്ലാതെ ജാതീയമായ തരം തിരിവുകളെ നിര്‍മാര്‍ജനം ചെയ്യലായിരുന്നില്ല. ഈ പറഞ്ഞത് എന്റെ അഭിപ്രായമല്ല, ഇന്ത്യയെ സ്വാതന്ത്ര്യത്തിന്റെ വെളിച്ചത്തിലേക്ക് കൈപിടിച്ചു നടത്തിയ, സ്വാതന്ത്ര്യത്തിന്റെ പടിവാതിലില്‍ ഒരു കറിവേപ്പില പോലെ നാമുപേക്ഷിച്ച മഹാത്മാവിന്റെ വിലയിരുത്തലാണ്. ഈ കാര്യം വ്യക്തമായി മനസിലാക്കിയത് കൊണ്ടാണ് ഇടതുപക്ഷം അം ബേദ്കറിനു നേരെ കണ്ണടച്ചത്.
1931 ല്‍ ബോംബേയിലേക്ക് ഗാന്ധിജി അംബേദ്കറിനെ ഒരു കൂടിക്കാഴ്ച്ചക്കു ക്ഷണിക്കുകയുണ്ടായി. അംബേദ്കര്‍ ജനിക്കുന്നതിനുമുമ്പുതന്നെ താന്‍ തുടങ്ങിയ തൊട്ടുകൂടായ്മക്കെതിരായ സമരത്തെ ഓര്‍മ്മിപ്പിച്ച മഹാത്മാവ് അധഃകൃതരെ രാഷ്ട്രീയമായി മറ്റു ഹിന്ദുക്കളില്‍ നിന്നും വേറിട്ടൊരു ശക്തിയായി മാറ്റുന്നത് ജാതി വ്യവസ്ഥയെ നിര്‍മാര്‍ജനം ചെയ്യാനുള്ള ശ്രമങ്ങള്‍ക്ക് തിരിച്ചടിയാവുമെന്ന് മുന്നറിയിപ്പുനല്‍കി. അധഃകൃതരും മറ്റു ഹിന്ദുക്കളും തമ്മില്‍ നിലനില്‍ക്കുന്ന ഉഛനീചത്വമാണ് നശിപ്പിക്കേണ്ടതെന്നും അതുവഴി ഹിന്ദുമതത്തിന്റെ ശുദ്ദീകരണമാണ് നടത്തേണ്ടതെന്നും അദ്ദേഹം വാദിച്ചു. പക്ഷെ അംബേദ്കറാകട്ടെ ഇത് ചെവിക്കൊള്ളാതെ യോഗത്തില്‍ നിന്നും പിന്‍വാങ്ങി. ഗാന്ധിജി ഇതേ നയം തന്നെയാണ് വൈക്കം സത്യാഗ്രഹം പോലുള്ള മുന്നേറ്റങ്ങളിലും സ്വീകരിച്ചിരുന്നത്. വൈക്കം സത്യാഗ്രഹത്തില്‍ ഹിന്ദുക്കളല്ലാത്തവരുടെ നേരിട്ടുള്ള പങ്കെടുക്കലിനേയും അദ്ദേഹം യങ്ങ് ഇന്ത്യയില്‍ എഴുതിയ ഒരു ലേഖനത്തില്‍ എതിര്‍ത്തിരുന്നു. ഹിന്ദുക്കളെ അവരുടെ അനാചാരങ്ങള്‍ സ്വയം വലിച്ചെറിഞ്ഞ് ശുദ്ധരാവാന്‍ അനുവദിക്കണമെന്നായിരുന്നു അദ്ദേഹത്തിന്റെ അഭിപ്രായം.
പക്ഷെ അധകൃതരുടെ സംഘടിത രാഷ്ട്രീയമായിരുന്നു അം ബേദ്കറിന്റെ ലക്ഷ്യം. ജാതിവ്യവസ്ഥയെന്ന സാമൂഹ്യ വിപത്തിനെ ഒരിക്കലും അവസാനിപ്പിക്കന്‍ ഉതകാത്ത ഈ രീതി ശാസ്ത്രമാണ് പട്ടികജാതി കണ്‍ വെന്‍ഷനുകളും മറ്റും നടത്തി ഇടതുപക്ഷം ഇപ്പോള്‍ സ്വീകരിച്ചിരിക്കുന്നത് (മതം ഒരു രാഷ്ട്രീയ ഘടകമായി അംഗീകരിച്ചിരുന്നുവെങ്കിലും ഈ എം എസ് ഒരിക്കലും ജാതിപരമായ രാഷ്ട്രീയ മുതലെടുപ്പിനെ പ്രോത്സാഹിപ്പിച്ചിരുന്നില്ല). അത്രയൊന്നും ഭീകരമായ പ്രത്യയശാസ്ത്രപ്രശ്‌നങ്ങളൊന്നും ഇതിലില്ല. അംബേദ്കറിന്റെ രീതിശാസ്ത്രം ഉപയോഗിക്കാന്‍ ഇടതുപക്ഷം ഇതുവരെ മടിച്ചുനിന്നതാണ്. ബ്രാഹ്മണ മേധാവിത്തം മൂലം തന്റെ സമൂഹം അനുഭവിക്കേണ്ടിവന്ന പീഢനങ്ങളുടെ വേദനയില്‍ അംബേദ്കറിന് വിവേകത്തിന്റെ മൂന്നാംകണ്ണ് നഷ്ടപ്പെട്ടിരുന്നു എന്നാണ് സത്യത്തില്‍ ഗാന്ധിജി ഓര്‍മിപ്പിച്ചുകൊണ്ടിരുന്നത്.
താനടങ്ങുന്ന ഒരു സമൂഹത്തെ മാറ്റാന്‍ മിനക്കെടാതെ എളുപ്പത്തില്‍ ബുദ്ധമതത്തിന്റെ തണലില്‍ രക്ഷപ്രാപിക്കാന്‍ പലായനം ചെയ്യുന്നതും ഒരു ജന്‍മം കൊണ്ടും സ്വന്തം ജീവിതമുപയോഗിച്ചുള്ള പരീക്ഷണങ്ങള്‍ കൊണ്ടും ഹിന്ദുത്വത്തെ പുനര്‍ നിര്‍വചിക്കാന്‍ ശ്രമിച്ച ധീരതയും തമ്മില്‍ ഒരുപാട് അന്തരമുള്ളതു കൊണ്ടാണ് ചാര്‍വാകന്‍ പറഞ്ഞ പൊതുസമൂഹത്തിലെ അദൃശ്യത ഉണ്ടാവുന്നത്.
തെറ്റിദ്ധരിക്കരുത് ഞാനിന്നും അം ബേദ്കറിനെ ഒരു രാഷ്ട്ര ശില്‍പിയായി ബഹുമാനിക്കുന്ന വ്യക്തിയാണ്. വ്യക്തമാക്കിയത് ഒരു രീതിശാസ്ത്രത്തിനോടുള്ള ചില അഭിപ്രായ ഭിന്നതകള്‍.
1931 ല്‍ ബോംബേയിലേക്ക് ഗാന്ധിജി അംബേദ്കറിനെ ഒരു കൂടിക്കാഴ്ച്ചക്കു ക്ഷണിക്കുകയുണ്ടായി. അംബേദ്കര്‍ ജനിക്കുന്നതിനുമുമ്പുതന്നെ താന്‍ തുടങ്ങിയ തൊട്ടുകൂടായ്മക്കെതിരായ സമരത്തെ ഓര്‍മ്മിപ്പിച്ച മഹാത്മാവ് അധഃകൃതരെ രാഷ്ട്രീയമായി മറ്റു ഹിന്ദുക്കളില്‍ നിന്നും വേറിട്ടൊരു ശക്തിയായി മാറ്റുന്നത് ജാതി വ്യവസ്ഥയെ നിര്‍മാര്‍ജനം ചെയ്യാനുള്ള ശ്രമങ്ങള്‍ക്ക് തിരിച്ചടിയാവുമെന്ന് മുന്നറിയിപ്പുനല്‍കി. അധഃകൃതരും മറ്റു ഹിന്ദുക്കളും തമ്മില്‍ നിലനില്‍ക്കുന്ന ഉഛനീചത്വമാണ് നശിപ്പിക്കേണ്ടതെന്നും അതുവഴി ഹിന്ദുമതത്തിന്റെ ശുദ്ദീകരണമാണ് നടത്തേണ്ടതെന്നും അദ്ദേഹം വാദിച്ചു. പക്ഷെ അംബേദ്കറാകട്ടെ ഇത് ചെവിക്കൊള്ളാതെ യോഗത്തില്‍ നിന്നും പിന്‍വാങ്ങി. ഗാന്ധിജി ഇതേ നയം തന്നെയാണ് വൈക്കം സത്യാഗ്രഹം പോലുള്ള മുന്നേറ്റങ്ങളിലും സ്വീകരിച്ചിരുന്നത്. വൈക്കം സത്യാഗ്രഹത്തില്‍ ഹിന്ദുക്കളല്ലാത്തവരുടെ നേരിട്ടുള്ള പങ്കെടുക്കലിനേയും അദ്ദേഹം യങ്ങ് ഇന്ത്യയില്‍ എഴുതിയ ഒരു ലേഖനത്തില്‍ എതിര്‍ത്തിരുന്നു. ഹിന്ദുക്കളെ അവരുടെ അനാചാരങ്ങള്‍ സ്വയം വലിച്ചെറിഞ്ഞ് ശുദ്ധരാവാന്‍ അനുവദിക്കണമെന്നായിരുന്നു അദ്ദേഹത്തിന്റെ അഭിപ്രായം.
പക്ഷെ അധകൃതരുടെ സംഘടിത രാഷ്ട്രീയമായിരുന്നു അം ബേദ്കറിന്റെ ലക്ഷ്യം. ജാതിവ്യവസ്ഥയെന്ന സാമൂഹ്യ വിപത്തിനെ ഒരിക്കലും അവസാനിപ്പിക്കന്‍ ഉതകാത്ത ഈ രീതി ശാസ്ത്രമാണ് പട്ടികജാതി കണ്‍ വെന്‍ഷനുകളും മറ്റും നടത്തി ഇടതുപക്ഷം ഇപ്പോള്‍ സ്വീകരിച്ചിരിക്കുന്നത് (മതം ഒരു രാഷ്ട്രീയ ഘടകമായി അംഗീകരിച്ചിരുന്നുവെങ്കിലും ഈ എം എസ് ഒരിക്കലും ജാതിപരമായ രാഷ്ട്രീയ മുതലെടുപ്പിനെ പ്രോത്സാഹിപ്പിച്ചിരുന്നില്ല). അത്രയൊന്നും ഭീകരമായ പ്രത്യയശാസ്ത്രപ്രശ്‌നങ്ങളൊന്നും ഇതിലില്ല. അംബേദ്കറിന്റെ രീതിശാസ്ത്രം ഉപയോഗിക്കാന്‍ ഇടതുപക്ഷം ഇതുവരെ മടിച്ചുനിന്നതാണ്. ബ്രാഹ്മണ മേധാവിത്തം മൂലം തന്റെ സമൂഹം അനുഭവിക്കേണ്ടിവന്ന പീഢനങ്ങളുടെ വേദനയില്‍ അംബേദ്കറിന് വിവേകത്തിന്റെ മൂന്നാംകണ്ണ് നഷ്ടപ്പെട്ടിരുന്നു എന്നാണ് സത്യത്തില്‍ ഗാന്ധിജി ഓര്‍മിപ്പിച്ചുകൊണ്ടിരുന്നത്.
താനടങ്ങുന്ന ഒരു സമൂഹത്തെ മാറ്റാന്‍ മിനക്കെടാതെ എളുപ്പത്തില്‍ ബുദ്ധമതത്തിന്റെ തണലില്‍ രക്ഷപ്രാപിക്കാന്‍ പലായനം ചെയ്യുന്നതും ഒരു ജന്‍മം കൊണ്ടും സ്വന്തം ജീവിതമുപയോഗിച്ചുള്ള പരീക്ഷണങ്ങള്‍ കൊണ്ടും ഹിന്ദുത്വത്തെ പുനര്‍ നിര്‍വചിക്കാന്‍ ശ്രമിച്ച ധീരതയും തമ്മില്‍ ഒരുപാട് അന്തരമുള്ളതു കൊണ്ടാണ് ചാര്‍വാകന്‍ പറഞ്ഞ പൊതുസമൂഹത്തിലെ അദൃശ്യത ഉണ്ടാവുന്നത്.
തെറ്റിദ്ധരിക്കരുത് ഞാനിന്നും അം ബേദ്കറിനെ ഒരു രാഷ്ട്ര ശില്‍പിയായി ബഹുമാനിക്കുന്ന വ്യക്തിയാണ്. വ്യക്തമാക്കിയത് ഒരു രീതിശാസ്ത്രത്തിനോടുള്ള ചില അഭിപ്രായ ഭിന്നതകള്‍.
Subscribe to:
Posts (Atom)
